Tarix fanidan milliy sertifikat 2026

Test tuzilishi: 45 topshiriq, 90 daqiqa, 100 ball

• Yopiq topshiriq (bitta to'g'ri javob): qiyinlik darajasiga qarab 1,3 / 2,2 / 3,2 ball. Noto'g'ri javob uchun ball yo'q — jarima ham yo'q, shuning uchun bilmagan savolda taxmin qilish foydadan bo'sh emas.
• Ochiq topshiriq: qisqa javob yoziladi, ko'p bandlilarda bandlar alohida baholanadi.
• Qamrov: Qadimgi davr, O'rta asrlar, Yangi davr, Eng yangi davr — Jahon tarixi va O'zbekiston tarixi, 6–11-sinf darsliklari asosida.
• Baholash tizimi: xom 100 balllik natija Rash modelida qayta ishlanadi (savol qiyinligi hisobga olinadi) — sertifikat 75 ballik shkalada beriladi. Xom → Rash aniq formulasi rasman e'lon qilinmaydi, u test qiyinligiga bog'liq.

Manba: agentlikning «Tarix fanidan milliy test tizimi uchun test spetsifikatsiyasi» hujjati (uzbmb.uz) hamda 646-son qaror (lex.uz).

Sertifikat DTM'da nima beradi?

• A+ (70+) yoki A (65–69,9): tarix fandan test ishlamaysiz — DTM'da shu fanning maksimal balli beriladi: 1-mutaxassislik fan bo'lsa 93 ball, 2-fan bo'lsa 63 ball.
• B+ (60–64,9): maksimalning 80% — 1-fanda 74,4 / 2-fanda 50,4. B: 73,3% — 68,2 / 46,2. C+: 66,7% — 62 / 42. C (46–49,9): 61,3% — 57 / 38,6.
• Tarix majburiy fan sifatida ham topshiriladi: majburiy fanlardan sertifikatga ega abituriyentga darajadan qat'i nazar belgilangan eng yuqori ball beriladi.
• Sertifikat 3 yil amal qiladi.

Darajalar va proporsional formula to'liq: milliy sertifikat ballari →

Ro'yxatdan o'tish: 4 qadam

1. my.gov.uz ga OneID orqali kiring, «Milliy sertifikat» xizmatini toping (xizmat №891) — bevosita havola.
2. Fan = Tarix, qulay hudud va test tilini tanlang. Hudud limiti to'lsa o'sha hudud yopiladi.
3. To'lov: BHMning 90% — 1-sentabrgacha 556 200 so'm, 1-sentabrdan 594 000 so'm. Invoys bo'yicha PayMe/Click/bank orqali.
4. Imtihon kuni shaxsni tasdiqlovchi hujjat va ruxsatnoma bilan keling. Natijalar my.gov.uz va uzbmb.uz'da e'lon qilinadi.

Apellyatsiya: natija e'lon qilingan kundan boshlab 5 ish kuni ichida my.gov.uz orqali (xizmat №1003), ko'rib chiqish 2 hafta. Takroriy apellyatsiya yo'q (646-son qaror, 20–25-bandlar). To'liq tartib: apellyatsiya bo'yicha yo'riqnoma.

Kimlar topshiradi va nimaga kerak?

• Abituriyentlarga: tarix 1- yoki 2-mutaxassislik fan bo'lgan yo'nalishlarga kirishda testdan ozodlik va maksimal/proporsional ball. 2026 DTM'da tarix majburiy fan — sertifikat har qanday yo'nalishda majburiy blok ballini maksimalga chiqaradi.
• Tarix o'qituvchilariga: attestatsiya va oylik ustama — darajaga qarab tarif stavkasiga 20% dan 50% gacha.
• 2027/28 o'quv yilidan: yagona davlat imtihoni (YaDI) joriy bo'lishi kutilmoqda — unda ham milliy/xalqaro sertifikat egalari tegishli fandan imtihonsiz maksimal ball olishi nazarda tutilgan (farmon loyihasi). 2026-yil qabulida hamma narsa eski tartibda.

Ko'p so'raladigan savollar

• Tarix javoblari qachon chiqadi? Yechimlar ko'pincha test kuniyoq, o'z natijangiz odatda bir hafta ichida my.gov.uzda ko'rinadi (amaliyot: kimyo 22.08 — kuniyoq; chet tillari 12.06 → 19.06). Batafsil: milliy sertifikat javoblari.
• Tarixdan milliy sertifikat qachon 2026? 27-oktabr. Ro'yxatdan o'tish 18-sentabr – 2-oktabr, to'lov 3-oktabrgacha. Oxirgi sessiya 29-dekabrda (ro'yxat 20-noyabrdan).
• Nechta savol beriladi? 45 topshiriq (36 yopiq + 9 ochiq), 90 daqiqa. Xom shkala 100 ball.
• Nechi balldan sertifikat topshiriladi? Rash shkalasida kamida 46 ball — 75 balldan pastroq bo'lsa sertifikat berilmaydi.
• Xom 100 ballim qancha Rash bo'ladi? Aniq formula rasman e'lon qilinmaydi — har test versiyasi qiyinligi bilan tekislanadi. Shu sababli «100 dan nechta to'g'ri» emas, Rash ballda daraja qaraladi.
• Tarix majburiy fanmi? DTM'da ha — barcha yo'nalishlar uchun majburiy blokda. Milliy sertifikat esa ixtiyoriy: olsangiz majburiy blok balli maksimal bo'ladi.
• Bitta yilda necha marta topshirsa bo'ladi? Agentlik grafigidagi har sessiyada. 2026-yil 2-yarmida tarix 2 marta: oktabr va dekabr.
• O'qituvchiga nima beradi? Darajaga qarab 20–50% ustama va attestatsiyada natija.
• Kalkulyator bepulmi? Ha, ro'yxatdan o'tmasdan ishlatasiz.
• Tarix milliy sertifikat namuna savollari bormi? Rasmiy to‘plam yoki namuna variant e‘lon qilinmagan (2025–2026-yillarda ham agentlik namuna variant chiqarmadi) — agentlik faqat test tafsilotini beradi (yuqorida: 45 topshiriq, 90 daqiqa). Sessiyadan keyin yechimlar agentlik kanalida chiqadi: javoblar.
• Tarix milliy sertifikat baholash tizimi qanday? Barcha umumta‘lim fanlarida bir xil: xom ball Rash modelida 0–75 shkalaga tekislanadi, o‘tish 46 ball. Darajalar: A+ (70+), A (65–69,9), B+ (60–64,9), B (55–59,9), C+ (50–54,9), C (46–49,9). Batafsil: milliy sertifikat ballari.
• Onlayn mashq testlarini qayerdan topaman? Tarix fanidan bepul namunaviy test: tarix testi, barcha fanlar: onlayn fan testlari.