Yagona davlat imtihoni (YaDI) — nima, qachon, kimga
Maktab bitiruv imtihoni va oliy ta'limga kirish imtihonini birlashtiruvchi yangi tizim haqida hozirgacha ma'lum bo'lgan hamma rasmiy fakt. Ro'yxatdan o'tish shart emas.
Qisqa javob
2026-yil qabulida hech narsa o'zgarmadi: DTM test sinovi eski tartibda — «avval test, keyin tanlov» (agentlik, fevral 2026).
2026/2027 o'quv yilida ya'ni shu yili — PILOT 4 hududda sinov o'tkaziladi: yagona davlat imtihonlari Qoraqalpog'iston va Toshkent viloyatida, 9-sinf uchun asosiy davlat imtihonlari Navoiy va Farg'ona viloyatlarining tanlangan shahar/tumanlarida.
2027/2028 o'quv yilidan boshlab — BUTUN RESPUBLIKAda to'liq joriy etiladi.
Birinchi keng ko'lamli imtihonlar 2027-yil may–iyulda bo'lishi kutilmoqda (ro'yxatdan o'tish: har yili 1-yanvar – 31-mart).
Hujjat hozircha loyiha holatida: «O'quvchilarni qobiliyati va tanloviga qarab kasbiy yoki oliy ta'limga yo'naltirish bo'yicha yagona davlat imtihonlari tizimini joriy etish to'g'risida»gi Prezident Farmoni loyihasi — jamoatchilik muhokamasi 2026-yil 30-aprelgacha davom etgan (regulation.adliya.uz, loyiha №9359/27637). Yakuniy farmon e'lon qilinganda shu sahifa yangilanadi.
Yagona imtihon nima o'zgartiradi?
Hozir o'quvchi 3 marta imtihon topshiradi:
Maktabni bitiruv imtihoni
Oliy ta'limga kirish testi (DTM)
Fanlar bo'yicha sertifikat imtihoni
YaDI bularni bitta tizimga birlashtiradi: maktabdagi yakuniy imtihon natijasi ayni paytda OTMga kirish natijasi ham bo'ladi. Bitiruvchi testni ikki marta topshirmaydi.
Kim uchun
Nima topshiradi
Natija qayerga ishlaydi
9-sinf
Asosiy davlat imtihonlari: 2 majburiy fan (ona tili, matematika) + 2 tanlov fan
Attestat + texnikum/litseyga qabul
11-sinf va o'rta maxsus ta'lim bitiruvchilari
Yagona davlat imtihonlari: 2 majburiy fan (ona tili, matematika) + 2 tanlov fan (yo'nalishga qarab)
Attestat + oliy va professional ta'limga qabul
Loyihada O'zbekiston tarixining majburiy fanlar ro'yxatidan chiqarilishi ham ko'rsatilgan (muhokama versiyasi).
Taqvim (loyihaga ko'ra)
Vaqt
Nima bo'ladi
2025-yil sentabr
Prezident e'lon qildi: 2026/2027 o'quv yilidan 9- va 11-sinflarda yagona imtihonlar joriy etiladi
2026-yil fevral
Agentlik: 2026-yil qabuli eski tartibda qoladi
2026-yil aprel
Farmon loyihasi jamoatchilik muhokamasiga chiqdi (30-aprelgacha)
2026/2027 o'quv yili
PILOT Qoraqalpog'iston, Toshkent vil., Navoiy, Farg'ona (tanlangan tumanlarda)
2027-yil yanvar–mart
Pilot hududlar uchun ro'yxatdan o'tish oynasi (har yili 1-yanvar – 31-mart)
2027-yil may–iyul
Ilk yagona davlat imtihonlari (pilot)
2027/2028 o'quv yilidan
TO'LIQ barcha hududlarda joriy etiladi
Sertifikat egalari nima bo'ladi?
Loyihada saqlanayotgan eng muhim imtiyoz: milliy yoki xalqaro sertifikatga ega bitiruvchilar tegishli fan bo'yicha imtihon topshirmasdan maksimal yoki tabaqalashtirilgan ball oladi.
Ya'ni tarixdan milliy sertifikat olgan o'quvchi YaDI'da ham tarix fandan test ishlamaydi. Milliy sertifikat tizimi (646-son qaror) bekor bo'lmaydi — aksincha, uning qiymati oshadi:
Ball shkalasi, daraja chegaralari va grant taqsimoti YaDI'da qanday bo'lishi — hujjatning yakuniy versiyasida ma'lum bo'ladi.
Testlar kompyuterda yoki qog'ozda o'tkazilishi: loyihada agentlikka elektron imtihon platformasi, testlar bazasi, proktoring vazifalari yuklatilgan — raqamli formatga intilish bor, lekin aniq tartib e'lon qilinmagan.
Maxsus ehtiyojlar (Brayl alifbosi, audio format, surdotarjimon, qo'shimcha vaqt) loyihada nazarda tutilgan.
Pilot hududlar natijalari qanday baholanadi va OTM qabuliga qanday utkaziladi — kuzatmoqdamiz.
Yangi qaror chiqqach (lex.uz'da yakuniy farmon yoki agentlik grafigi) shu sahifa birinchi bo'lib yangilanadi.
Ko'p so'raladigan savollar
Yagona davlat imtihoni qachon joriy etiladi? Sinov sifatida 2026/2027 o'quv yilida (Qoraqalpog'iston, Toshkent viloyati, Navoiy va Farg'onaning tanlangan tumanlarida), butun respublika bo'ylab 2027/2028 o'quv yilidan.
2026-yilda DTM bo'ladimi? Ha. 2026-yil qabuli eski tartibda: avval test, keyin tanlov. YaDI 2026 qabuliga ta'sir qilmaydi.
11-sinfda nechta fan topshiriladi? 4 ta: ona tili va matematika (majburiy) + tanlangan yo'nalishga mos 2 tanlov fan.
Ro'yxatdan o'tish qachon? Loyihaga ko'ra har yili 1-yanvardan 31-martgacha. Imtihonlar may–iyulda.
Milliy sertifikatim bekor bo'ladimi? Yo'q — loyihaga ko'ra sertifikat egalari tegishli fandan imtihonsiz maksimal/tabaqalashtirilgan ball oladi.
Yagona davlat imtihoni testlari — mashq uchun fan-testlar bo'limimizda (matematika, ona tili, tarix, biologiya va b.), bepul.
Qabul 2027 — 2027/2028 o'quv yilidan Yagona davlat imtihoni butun respublika bo'yicha joriy etiladi.
9-sinf natijasi OTMga ta'sir qiladimi? Yo'q: 9-sinf uchun «asosiy davlat imtihonlari» — attestat va texnikum/litseyga qabul uchun. OTMga kirish 11-sinf yoki kollej bitirgach yagona imtihon orqali.
Qaysi hududlar birinchi bo'lib o'tadi? Yagona imtihon: Qoraqalpog'iston va Toshkent viloyati. 9-sinf imtihoni: Navoiy va Farg'ona (tanlangan shahar/tumanlar).
Yagona davlat imtihoni 2026-yilda bo'ladimi? Yo'q — 2026-yil qabuli eski tartibda (DTM: avval test, keyin tanlov). Yagona imtihon sinov sifatida 2026/2027 o'quv yilida (Qoraqalpog'iston, Toshkent viloyati, Navoiy va Farg'onaning tanlangan tumanlari), butun respublika bo'yicha 2027/2028 o'quv yilidan.
Yangilangan: 2026-08-28 · Manbalar: regulation.adliya.uz (loyiha №9359/27637), president.uz / gazeta.uz (15.09.2025 e'lon), Bilim va malakalarni baholash agentligi, kun.uz, zamin.uz