Toshkent Amaliy Fanlar Universiteti

Toshkent amaliy fanlar universiteti (TAFU) — zamonaviy ta’lim va real amaliyotni birlashtirgan innovatsion oliy ta’lim muassasasi hisoblanadi.

TAFUning asosiy maqsadi — talabalarni nafaqat diplomli mutaxassis, balki mehnat bozoriga tayyor mutaxassis sifatida shakllantirishdir. Shu sababli universitetda ta’lim jarayoni faqat nazariya bilan cheklanmaydi: talabalar haftasiga 1–2 kun o‘z yo‘nalishiga mos kompaniya va tashkilotlarda amaliyot o‘taydi. Bu esa ularga o‘qish davridayoq tajriba orttirish va kelajakdagi faoliyatiga mustahkam poydevor yaratish imkonini beradi.

Shuningdek, universitet Malayziyaning Lincoln University bilan almashinuv dasturini amalga oshirmoqda. Germaniya, Estoniya, Janubiy Koreya, Polsha va Latviya kabi davlatlardagi universitetlar bilan hamkorlik aloqalari rivojlantirilmoqda.

Universitetda zamonaviy ta’lim olish uchun barcha sharoitlar yaratilgan. TAFU talabalari uchun grant dasturlari, Chegirma va imtiyozlar mavjud.