Алишер Навоий номидаги Тошкент давлат ўзбек тили ва адабиёти университети

2022/2023-ўқув йилидан бошлаб 14 та бакалаврият, 12 та магистратура мутахассисликлари бўйича кадрлар тайёрлаш йўлга қўйилди.

-Контракт миқдори: Контракт нархлари Ўзбекистон Республикаси давлат олий таълим муассасаларига ўқишга қабул қилиш жараёнларини мувофиқлаштириш бўйича Давлат комиссияси томонидан эълон қилинган стандардлар асосида ҳисобланади.

-Стипендия: Алишер Навоий номидаги Тошкент давлат ўзбек тили ва адабиёти университети талабалари республикамизнинг бошқа таълим муассасалари қаторида барча турдаги стипендияларни олишга ҳақлидирлар ва бунинг учун шарт-шароитлар яратилган.

Қабул қилиш тартиби: Абитуриентлар олийгоҳга кириш имтиҳонларида БМБ агентлигининг намунавий тест саволлари натижалари орқали сараланади.

Талаб қилинадиган ҳужжатлар:

Бакалавр:

Аввалги йиллардаги битирувчилар учун:

паспорт;

диплом;

тил билиши сертификати; (агар мавжуд бўлса)

имтиёзи мавжуд бўлганда, имтиёзни тасдиқловчи ҳужжатлар.

тўлов суммаси

Жорий йил битирувчилари учун:

паспорт;

битирув аттестати (қабул қилувчилар томонидан базадан электрон тарзда олинади).

Магистратура:

- Абитуриентлардан талаб қилинадиган ҳужжатлар: абитуриентнинг бакалавриат дипломи ҳамда хорижий тилни билиш даражаси бўйича тегишли миллий ёки халқаро сертификати.

Магистратура босқичида хотин-қизлар учун тўлиқ грант асосида ўқиш имконияти мавжуд.

Қўшма Дастурлар:

Ҳозирги кунда Алишер Навоий номидаги Тошкент давлат ўзбек тили ва адабиёти университетида 2 йўналиш бўйича қўшма дастурлар ўз фаолиятини олиб боради:

1. “Гид ҳамроҳлиги ва таржимонлик фаолияти” - 5А611501 “Гид ҳамроҳлиги ва таржимонлик фаолияти” магистратура йўналиши университетимизда 2019-йилдан бери фаолият юритади. Ҳамроҳ университетимиз Анқара Ҳожи Байрам Вали университети (Туркия) бўлиб, 2019 йилдан бери бизнинг талабалар чет элда таълим олиш имкониятидан фойдаланмоқдалар. Ушбу дастурнинг яна бир афзаллиги шундаки, битирувчилар иккита мустақил, аммо бир хил даражада ваколатли бўлган дипломга эга бўлади. Йўналиш талабалари икки тилли ўқув муҳитида таълим оладилар. Ўқув амалиёти талабаларнинг хоҳишига кўра Ўзбекистонда ёки ҳамкор университетда амалга оширилади.

2."Компютер графикаси ва медиадизайн".- Ушбу магистратура йўналиши Анқара Ҳожи Байрам Вали университети (Туркия) билан ҳамкорликда ташкил этилган бўлиб, 2022-йилдан бошлаб йўлга қўйилиши режалаштирилмоқда. Дастур 4 семестрдан иборат бўлиб, унинг афзалликларидан бири шундаки, битирувчилар иккита мустақил, аммо бир хил даражада ваколатли бўлган дипломга эга бўлади. Йўналиш талабалари икки тилли ўқув муҳитида таълим оладилар (турк ва ўзбек тиллари). Ўқув амалиёти талабаларнинг хоҳишига кўра Ўзбекистонда ёки ҳамкор университетда амалга оширилади.

Ушбу дастурлар магистратура йўналиши ҳисобланиб, унинг битирувчилари икки ҳамкор университетларнинг мустақил дипломларига эга бўладилар.