Тошкент давлат аграр университети

Қабул қилиш тартиби : Абитуриентлар олийгоҳга кириш имтиҳонларида БМБ агентлигининг намунавий тест саволлари натижалари орқали сараланади.

Талаб қилинадиган ҳужжатлар:

Бакалавр:

Аввалги йиллардаги битирувчилар учун:

паспорт;

диплом;

тил билиши сертификати; (агар мавжуд бўлса)

имтиёзи мавжуд бўлганда, имтиёзни тасдиқловчи ҳужжатлар.

тўлов суммаси

Жорий йил битирувчилари учун:

паспорт;

битирув аттестати (қабул қилувчилар томонидан базадан электрон тарзда олинади).

Магистратура:

- Абитуриентлардан талаб қилинадиган ҳужжатлар: абитуриентнинг бакалавриат дипломи ҳамда хорижий тилни билиш даражаси бўйича тегишли миллий ёки халқаро сертификати

Магистратура босқичида хотин-қизлар учун тўлиқ грант асосида ўқиш имконияти мавжуд.

Хорижий фуқароларни ўқишга қабул қилиш талаблари:

Хорижий фуқаролар Тошкент давлат аграр университетига (ТДАУ) тўлов шартнома асосида ўқишга қабул қилинадилар. Ўзбекистон Республикасининг халқаро, ҳукуматлараро ва идоралараро шартномаларида назарда тутилган ҳоллар бундан мустасно, шунингдек, ТДАУ ва хорижий университетлар ўртасида тузилган келишувларда назарда тутилган ҳоллар ҳам бундан мустасно. Тошкент давлат аграр университетининг бакалавриат дастурларига умумий ўрта ва ўрта махсус маълумотга эга бўлган хорижий фуқаролар қабул қилинади. Бакалавр даражасига эга бўлган чет эл фуқаролари Тошкент давлат аграр университетининг магистратура дастурларига қабул қилинадилар. ТДАУда ўқишни истаган чет эл фуқаролари барча ҳужжатларни тўғридан-тўғри университетга топширишлари шарт. ТДАУнинг бакалавриат ёки магистратура босқичида ўқишни истаган чет эл фуқаролари Танлов комиссияси аъзолари томонидан танланган таълим ёки мутахассислиги бўйича суҳбатдан ўтадилар.

Ҳужжатлар рўйхати:

1. Шахсни тасдиқловчи гувоҳнома яъни паспортнинг сканерланган нусхаси (ПДФ форматида, электрон шаклда).

2. Диплом иловаси ёки аттестация нусхаси

3. Сертификат, дипломнинг сканерланган версияси, ўқилган фанлар ва улардан олинган баҳолар (баллар)нинг сканерланган нусхаси (ПДФ форматида, электрон шаклда). Магистратура учун бакалавр диплом, ўқилган фанлар ва олинган баҳолари (баллари)нинг сканерланган нусхаси (ПДФ форматида, электрон шаклда).

4. Агар тавсияномага эга бўлса (ПДФ форматида, электрон шаклда).

5. Ариза (ректор номига ўқишга қабул қилиниш тўгрисида).

6. Электрон почтага барча маълумотлар юборилади: Электрон почта манзили....

-Контракт миқдори: Контракт нархлари Ўзбекистон Республикаси давлат олий таълим муассасаларига ўқишга қабул қилиш жараёнларини мувофиқлаштириш бўйича Давлат комиссияси томонидан эълон қилинган стандардлар асосида ҳисобланади.

-Стипендия: Тошкент давлат аграр университети талабалари республикамизнинг бошқа таълим муассасалари қаторида барча турдаги стипендияларни олишга ҳақлидирлар ва бунинг учун шарт-шароитлар яратилган.

Университет ётоқхонаси :

Тошкент давлат аграр университети ҳудудида 5 та талабалар турар жойлари, 1 кир ювиш биноси, 3 та овқатланиш кафелари, 1 та Спорт комплекси, 1 та Ахборот ресурс маркази ва 1 та Ёшлар маркази биноси иш фаолият юритиб келмоқда.

Хорижий ҳамкорликлар: Хорижий олий таълим муассасалари билан 50 га яқин шартнома ва меморандумлар имзоланган. Уларга асосан университетнинг талабалари Германия, Россия сингари давлатларда ишлаб чиқариш амалиётларини ўтаб келишмоқда.

2020-йилда АҚШ, Россия ва Белоруссиянинг 4 та ОТМлари билан ҳамкорлик шартномаларига асосан 5 та бакалавриат таълим йўналишлари ва 2 та магистратура мутахассисликлари бўйича қўшма таълим дастурлари жорий этилди.

- WСБ университети(Полша)

- Витаутас Магнус Университети(Литва)

- Иркуцк давлат аграр университети(Россия)

- Латвия табиий фанлар ва технологиялар университети(Латвия)

- Миссисипи штати университети. (АҚШ)