Халқаро ижтимоий инновациялар университети

ИУСИ университетида 13 та бакалавриат йўналишлари мавжуд бўлиб, улар орасида филология (инглиз, хитой, япон, араб ва рус тиллари), бошланғич таълим, сунъий интеллект, ахборот хавфсизлиги, юриспруденсия, журналистика, туризм ва меҳмондўстлик, архитектура ҳамда иқтисодиёт йўналишлари мавжуд. Айниқса, иқтисодиёт, сунъий интеллект, ахборот хавфсизлиги ва филология йўналишларига талаб юқори.

Таълим жараёни ўзбек ва рус тилларида олиб борилади. Ўқув дастурлари Ўзбекистон Миллий Малака Рамкалари асосида ишлаб чиқилган бўлиб, халқаро талаблар билан уйғунлаштирилган.

Университет талабаларига замонавий шароитлар яратилган: Wи-Фи зоналари, компютер хоналари, электрон таълим материаллари, ошхона ва ётоқхона мавжуд. Ётоқхона нархи ойига 950 минг сўмни ташкил этади.

Абитуриентлар университетда 10 дақиқалик компютер тестини топширадилар ва натижаларни дарҳол билиб олишлари мумкин. Контракт нархлари йўналиш ва таълим шаклига қараб 14 миллион сўмдан 25 миллион сўмгача белгиланади. Тўловни 4 қисмга бўлиб амалга ошириш имконияти мавжуд.

ИУСИ университетининг асосий устунликлари — замонавий моддий-техник база, хориждан жалб қилинган малакали мутахассислар, Японияда амалиёт ўташ имконияти ва халқаро трансфер дастурларидир. Талабалар ўқишнинг кейинги босқичларини Аризона Стате University, University of Ҳертфордшире ҳамда University of Technology Сйдней каби нуфузли хорижий университетларда давом эттириш имкониятига эга.

Университетда сунъий интеллект ва киберхавфсизлик бўйича махсус лабораториялар фаолият юритади ва барча йўналишларда замонавий технологиялар асосида таълим берилади. ИУСИ талабаларни келажак касбларига тайёрлашда амалиётга йўналтирилган ёндашувни қўллайди ҳамда ишга жойлашишда кўмак беради.